.jpg)
Sportinfo.az xəbər verir ki, Niderlandın "Vitess" klubunun sabiq futbolçusu Murad Lamrabatte bədbəxt hadisə nəticəsində dünyasını dəyişib.
32 yaşlı veteran hücumçu ailəsi ilə birlikdə İspaniyanın Malyorka şəhərində istirahət edərkən həyat yoldaşı və iki övladını təəccübləndirmək üçün 30 metr hündürlüyü olan qayalıqdan suya tullanmaq qərarına gəlib.
Hərəkəti düzgün icra edə bilmədiyindən, keçmiş forvardın başı daşa dəyib. Huşunu itirən Lamrabatte suya düşüb və boğularaq ölüb.
Həmin anları videoya çəkən xanımı özü də bilmədən ərinin ölümünü lentə alıb.
Murad Lamrabatte 2010/2011 mövsümündə "Vitess"in U-23 komandasında çıxış edib.
.png)
