"Səbail", "Sabah" və "Keşlə"nin sabiq legioneri Yevgeni Koçuk karyerasını Ermənistan Premyer Liqasında davam etdirəcək.
Sportinfo.az xəbər verir ki, moldovalı yarımmüdafiəçi "Pünik" ilə anlaşıb.
Hazırda ailəsi ilə birlikdə İrəvanda olan 29 yaşlı oyunçu tibbi müayinədən keçdikdən sonra rəsmi müqaviləyə imza atacaq.
Yevgeni Koçuk 2018-2019-cu illərdə "Səbail"in, 2020-ci ildə "Sabah"ın, 2021-ci ildə isə "Keşlə"nin formasını geyinib.