“Mançester Yunayted”in yarımmüdafiəçisi Brunu Fernandeş Ronaldonun ləhcəsi haqda danışıb.
Sportinfo.az xəbər verir ki, Fernandeş Ronaldonun nitqinin anlaşılmaz olduğunu bildirib.
O, Kriştianonun doğulduğu adanın ləhcəsinin ən pislərdən biri olduğunu deyib:
“Hərdən elə olur ki, Linqard və Reşfordun nə dediklərini anlamırsan. Portuqal dilində də belə olur.
Əgər Ronaldodan soruşsanız, təsdiq edəcək ki, onun, mənim və Dieqo Dalotun ləhcələri fərqlidir.
Kriştiano Portuqaliyanın ən pis ləhcəsində danışır (gülür). Ronaldo Madeyradandır. Allaha and olsun ki, portuqallar bu ada sakinlərinin nə dediklərini başa düşmürlər”.