İngiltərə Futbol Assosiasiyası “Piterboro Yunayted” klubunun hücumçusu Conson Klark-Harrisi cəzalandırıb.
Sportinfo.az xəbər verir ki, futbolçu 4 oyun diskvalifikasiya olunub və 6200 avro cərimələnib.
O, 9 il əvvəl yazdığı “tvit”lərə görə bu cəzaya məruz qalıb.
Araşdırmalar nəticəsində bəlli olub ki, futbolçunun 2012 və 2013-cü illərdə yazdığı “tvit”lərdən bəzisi homofobiya və təhqir xarakterlidir. Bəziləri isə nüfuzu alçaltmaq məqsədi daşıyıb.
27 yaşlı hücumçu cari mövsümdə Çempionşipdə 8 oyunda meydana çıxıb və 2 qol vurub.