İspaniyalı tennisçi Paula Badosa Tokio-2020 Yay Olimpiya Oyunlarında Çexiya təmsilçisi Marketa Vondrouşovaya qarşı 1/4 final görüşünü başa vura bilməyib.
Sportinfo.az xəbər verir ki, buna isti hava şəraiti səbəb olub.
3:6 hesabı ilə uduzduğu ilk setdən sonra qarşılaşmanı davam etdirə bilməyən Badosa kortu əlil arabasında tərk edib.
Daha əvvəl də bir neçə tennisçi Tokiodakı isti hava şəraitindən şikayətlənib.
Olimpiadada tennis yarışları iyulun 31-də başa çatacaq.