İcraiyyə Komitəsi bəzi mühüm qərarlar qəbul etdi

4 Dekabr 2020 00:00 Gündəm 400
İcraiyyə Komitəsi bəzi mühüm qərarlar qəbul etdi

Millətlər Liqasının final mərhələsinin püşkatma mərasimindən öncə UEFA İcraiyyə Komitəsinin iclası keçirilib.

Sportinfo.az xəbər verir ki, yığıncaqda bəzi vacib qərarlar qəbul olunub.

"Dördlər finalı"nın oyunlarının İtaliyada keçiriləcəyi təsdiqlənib. 2021-ci il 6-10 oktyabr tarixlərində baş tutacaq matçlar "Yuventus"a məxsus eyniadlı arenada və "San Siro" stadionunda oynanılacaq.

21 yaşadək futbolçular arasında 2023-cü ildə təşkili planlaşdırılan Avropa çempionatının final mərhələsinə ev sahibliyi Gürcüstan və Rumıniyaya həvalə olunub.

2021/2022 mövsümündən keçiriləcək Konfrans Liqasının ilk finalının məkanı bəlli olub. Həlledici qarşılaşma Albaniyanın paytaxtı Tiranadakı "Milli arena"da gerçəkləşəcək.

İcraiyyə Komitəsi İkinci Qarabağ müharibəsi zamanı beynəlxalq matçların Azərbaycan və Ermənistanda keçirilməsinə dair oktyabrın 20-də qoyulan qadağanı ləğv edib.

İclasda həmçinin UEFA-nın növbəti Konfransının vaxtı açıqlanıb. Tədbir 2021-ci il martın 2-də İsveçrənin Montrö şəhərində olacaq.

Digər Xəbərlər
Xəbər Lenti
25 Aprel 18:10 Çək və bizə göndər!