Bu gün dünya futbolunun əfsanəsi Dieqo Armando Maradona ilə vida mərasimi keçiriləcək.
Sportinfo.az xəbər verir ki, tədbir Maradonanın vətəni Argentinadakı Kasa Rosada prezident sarayında olacaq.
Mərasim Bakı vaxtı ilə saat 13:00-da başlayacaq. Vidalaşmaq istəyənlərin qəbulu mərhum futbolçunun yaxınlarının istəyi ilə saat 16:00-da (Bakı vaxtı ilə 23:00) başa çatacaq. Hazırda sarayın qarşısında çoxlu sayda insan toplaşdığı qeyd olunub.
Dieqo Maradona noyabrın 25-də 60 yaşında ürəktutmasından vəfat edib. Onun ölümü ilə bağlı Argentinada üç günlük matəm elan edilib.