“İşğal altında olan bütün torpaqlarımız tezliklə azad ediləcək”

21 Oktyabr 2020 23:00 Gündəm 1 155
“İşğal altında olan bütün torpaqlarımız tezliklə azad ediləcək”

“Hazırda ordumuz tərəfindən aparılan əks-hücum əməliyyatında düşmənin 30 illik müdafiə sistemi, onların silah və texnikası, cəlb etdikləri muzdlu döyüşçülərin döyüş təcrübəsi heç bir işə yaramır”.

Sportinfo.az xəbər verir ki, bunu bu gün keçirilən mətbuat konfransında Müdafiə Nazirliyinin mətbuat katibi, polkovnik-leytenant Anar Eyvazov deyib. O bildirib ki, onların bölmələri nizamsız qaydada geri çəkilir:

"Azərbaycan ordusunun əsas dayağı olduqca güclü olan dövlət-xalq-ordu birliyidir. Azərbaycan əsgəri Ali Baş Komandanımızın hər çıxışından daha da cəsarətlənir, irəli atılır, xalqımızın birliyindən və döyüş ruhundan mənəvi güc alır.

Vahid komandanlıq altında idarə olunan Azərbaycan ordusunun bütün bölmələri döyüş meydanında əsl peşəkarlıq, qəhrəmanlıq və böyük fədakarlıq nümayiş etdirir.

Bir daha əmin edirik ki, Ali Baş Komandanın əmərinə uyğun olaraq işğal altında olan bütün torpaqlarımız tezliklə azad ediləcək. Qələbə bizimlədir”.

Digər Xəbərlər
Xəbər Lenti