Bu yay komandanı gücləndirmək üçün xeyli səxavət göstərən, legioner qadağasının ləğvinə nail olan “Sumqayıt” rəhbərliyi baş məşqçi Aleksey Baqanın işindən narazıdır.
Belaruslu mütəxəssisin Azəröbaycandakı gələcəyi qarşıdakı 2 oyundan asılıdır.
Premyer Liqanın ilk 4 həftəsində iki məğlubiyyət alan və iki heç-heçəyə imza atan «kimyaçılar» irəlidə «Neftçi» ilə səfərdə, «Şamaxı»yla evdə üz-üzə gələcək.
«Gənclik şəhəri» təmsilçisi bu görüşlərdə uğurlu nəticə əldə etməsə, Baqadan istefa ərizəsi yazması istəniləcək.
Ötən ilin dekabrında görəvə gələn BATE-nin sabiq çalışdırıcısı «Sumqayıt»ı uğursuzluq zolağından çıxara bilməyib.
Keçən mövsüm Premyer Liqanı 6-cı pillədə başa vuran kollektiv ölkə kubokunda da mübarizəni erkən dayaqdırıb və hazırda da autsayderlər qrupunda yer alıb.
Cari «futbol ili»ndə ilk baş məşqçi ayrlığının «Kəpəz»də qeydə alınmasını xatırladaq. İlk 4 turda məğlubiyyətləri sıralayan Gəncə təmsilçisi Yaşar Vahabzadəni yola salıb.
Sportinfo TV-də yayımlanan “Futbol söhbəti” verilişinin aparıcısı Elçin Cəfərov Aleksey Baqanın fəaliyyətini tənqid edib, ona bəslənilən ümidləri doğrultmadğını bildirib.
Videonu bu linkə daxil olaraq izləyə bilərsiz: