.jpg)
Rusiyanın tanınmış Sports.ru saytında siyasi təxribata yol verildiyindən xəbərdarsız.
Bir daha xatırladaq ki, dünən Moskvada baş tutan “Spartak” – “Legiya” qarşılaşmasını (0:1) onlayn şəkildə izləyicilərinin diqqətinə çatdıran adıçəkilən sayt Mahir Emrelini topu dirəyə vurduğu epizodda erməni futbolçu kimi göstərmişdi.
Rusların ciddi səhvə yol verdiklərini və buna görə üzr istəməli olduqlarını diqqətə çatdırmaq üçün Sports.ru-nın redaksiyası ilə əlaqə saxladıq. Telefona cavab verən şəxs sualı dinlədikdən sonra “bir dəqiqə, dəqiqləşdirim” deyəndən sonra “yoxa çıxdı”.
Sonrakı ardıcıl zənglərimiz isə cavabsız qaldı. Növbəti cəhdimiz redaksiyanın elektron poçtuna məktub göndərmək oldu. Üstündən 4 saat keçməsinə baxmayaraq, cavab gəlmədi.
Bir müddət sonra elə həmin xəbərə yenidən nəzər salanda rusların etdikləri qələti düzəltdiklərini gördük. Fotolarda əvvəlki və hazırkı durumla tanış ola bilərsiz.
HƏBİB
