“Real”ın sabiq futbolçusu Enzo Zidanın yeni klubu müəyyənləşib.
Sportinfo.az xəbər verir ki, 26 yaşlı yarımmüdafiəçi Fransa ikinci divizion təmsilçisi “Rodez”ə transfer olunub.
Bu barədə klubun saytı məlumat yayıb. Onunla 1 illik müqavilə imzalanıb. Futbolçu yeni klubunda 5 nömrəli forma ilə çıxış edəcək.
Enzo “Real”ın sabiq çalışdırıcısı Zinəddin Zidanın oğludur. Fransalı mütəxəssis 10 il əvvəl “Rodez”in səhmdarı olub.
Enzo Zidanın son olaraq Mərakeş “Vidad”ında oynayıb.