“Mançester Yunayted”in sabiq baş məşqçisi Aleks Ferqyuson “Liverpul”un keçmiş çalışdırıcısı Jerar Ulyenin ölümünə münasibət bildirib.
Sportinfo.az xəbər verir ki, Ulye dekabrın 14-də 73 yaşında dünyasını dəyişib.
Ser Aleks fransız mütəxəssislə münasibətlərinin əla olmasını xatırlayıb: “Onun ölüm xəbəri mənim üçün şok oldu. O, “Liverpul”da işlədiyi müddətdə bizim həqiqətən də yaxşı münasibətlərimiz formalaşmışdı.
“Liverpul”dan gedəndən sonra da biz dost olaraq qaldıq. Onun fantastik futbol bilgiləri vardı. Karyerası da möhtəşəm alındı.
Müxtəlif tədbirlərdə rastlaşanda söhbətləşirdik. Söhbətlərindən zövq alırdım. O, əsl centlmen idi. Ulyenin ölümü futbol dünyasına kədərli bir gün yaşatdı”.