ABŞ-da 2019-cu ilin ən yaxşı futbolçusu seçilib. Sportinfo.az xəbər verir ki, "Çelsi"də çıxış edən Kristian Pulişiç Birləşmiş Ştatların ən yaxşı futbolçusu adına layiq görülüb.
21 yaşlı cinah yarımmüdafiəçisi səslərin 38 faizini toplamaqla digər həmkarlarını qabaqlayıb. Cordan Morris (“Sietl”) ikinci (35 faiz), Ueston Makkenni (“Şalke”) isə üçüncü (13 faiz) olub.
Pulişiç karyerası ərzində ikinci dəfə bu adı qazanır. O, 2017-ci ildə də - 19 yaşında ən yaxşı futbolçu adına layiq görülmüşdü.