.jpg)
PSJ-nin hücumçusu Neymarın millidəki karyerasını nə zaman başa vuracağı məlum olub.
Sportinfo.az xəbər verir ki, Braziliya millisinin digər üzvü Rodriqo komanda yoldaşı haqda danışıb.
O, bu məsələ barəsində belə deyib: "Neymar mənə Qətərdə keçiriləcək DÇ-dən sonra millidən gedəcəyini, bundan sonra isə 10 nömrəli formanın mənim olacağını dedi".
5 qat dünya çempionu olmuş Braziliya Qətərdə keçiriləcək mundialda G-qrupunda yer alıb. Cənubi amerikalılarla eyni qrupda Serbiya, İsveçrə və Kamerun qərarlaşıb.
Neymar 2010-cu ildən yığma komandada çıxış edir. Hücumçu millidə 119 matçda 74 qolla yadda qalıb.
Onun komanda yoldaşı Rodriqo isə 2019-cu ildən çağrıldığı millidə 5 oyunda 1 qol vurub.
.jpg)
