Fransanın keçmiş baş məşqçisi Raymond Domenek Serbiya yığmasını çalışdıra bilər.
Sportinfo.az xəbər verir ki, 68 yaşlı mütəxəssis Serbiya Futbol Federasiyasından təklif aldığını deyib.
O, yığmanı çalışdırmaq üçün təklif aldığını və bunu dəyərləndirəcəyini bildirib. Domenek 2004-2010-cu illər aralığında Fransa yığmasında baş məşqçilik edib.
Serbiya millisini hazırda Lyubişa Tumbakoviç çalışdırır.
Serbiya DÇ-2022-nin seçmə mərhələsinin A qrupunda Azərbaycan, Portuqaliya, İrlandiya və Lüksemburqla mübarizə aparacaq.