Azərbaycan Gimnastika Federasiyası ilk dəfə... - FOTOLAR

7 Dekabr 2019 23:00 Digər növlər 553
Azərbaycan Gimnastika Federasiyası ilk dəfə... - FOTOLAR

Milli Gimnastika Arenasında ilk dəfə AGF (Azərbaycan Gimnastika Federasiyası) Estafet Yarışları keçirilib. Sportinfo.az xəbər verir ki, mübarizəyə 9 komanda qatılıb.

Komandaların heyətlərində gimnastlarla yanaşı, onların ailə üzvləri və məşqçilər də yer alıb. Onların arasında bədii gimnastika üzrə millinin baş məşqçisi Mariana Vasileva, 2020-ci il Tokio Yay Olimpiya Oyunlarına lisenziya qazanmış Zöhrə Ağamirova və Arzu Cəlilova da olub.

Komandalar 3 qrupa bölünməklə 5 müxtəlif yarışda mübarizə aparıblar. Yekunda ən çox xal toplayan komanda qalib elan olunub.

Vasileva jurnalistlərə açıqlamasında bildirib ki, ilk dəfə belə bir estafeti təşkil etməkdə məqsəd idmançılar, məşqçilər və valideynləri bir araya gətirməkdir:

"Kənardan idmançıların işinin asan olduğu görünür. Çünki onların yalnız çıxışları göz önündə olur. Digər tərəfdən, bəzi valideynlər övladlarının idmançı kimi yetişməsi üçün nə qədər əməyin sərf olunduğunu yaxşı bilirlər.

Qərara gəldik ki, belə bir tədbir təşkil edək və burada hamı iştirak etsin. Əlbəttə, səviyyə hamı üçün eynidir. Demək istərdim ki, əslində gimnastika - hamı üçündür.

Yalnız bu növlə elit səviyyədə məşğul olaraq, Avropa, dünya və Yay Olimpiya Oyunlarında medal qazananlar üçün yox. Gimnastika ilə 4 yaşdan başlayaraq 70 yaşından yuxarı hamı məşğul ola bilər".

İştirakçılar üçün heç bir yaş məhdudiyyəti qoyulmayıb. Ümumilikdə iştirakçı sayı 200-dən çox olub.

Digər Xəbərlər
Xəbər Lenti