"Start ağır alınsa da, yarış yaxşı keçdi. İkinci yeri tutmağım əla oldu".
Sportinfo.az xəbər verir ki, bu fikirləri "Aston Martin" komandasının pilotu Sebastyan Fettel Azərbaycan Qran-prisindəki çıxışı barədə danışarkən deyib.
Azərbaycan Qran-prisinin qalibi "Red Bull" pilotu Serxio Peres olub. Almaniyalı sürücü yarışın gedişində yaxşı temp yaxaladığını və bunun 2-ci olmasında vacib rol oynadığını bildirib:
"Yarışa yaxşı başladım və ardıcıl olaraq bir neçə mövqe qazandım. Bakıda 2-ci yeri tutmağım xoş sürpriz oldu".