İngiltərə Premyer Liqasının IV turunun mərkəzi oyununda “Arsenal” “Mançester Yunayted”i qəbul edib.
Sportinfo.az xəbər verir ki, qarşılaşma meydan sahiblərinin qələbəsi ilə başa çatıb - 3:1.
Hesabı 27-ci dəqiqədə “qırmızı şeytanlar”ın heyətində Markus Reşford açıb. Lakin bir dəqiqə sonra Martin Odegard hesabda tarazlıq yaradıb.
90+6-cı dəqiqədə Deklan Rays “topçular”ı önə keçirib. 90+11-ci dəqiqədə isə Qabriel Jesus matçda son nöqtəni qoyub.
Bu nəticədən sonra “Arsenal” 10 xalla beşinci, “Mançester Yunayted” altı xalla 11-cidir.