"Bu bizim üçün böyük çağırışdır. "Yuventus""u böyük məmnuniyyətlə qəbul edəcəyik" - Sportinfo.az xəbər verir ki, bu açıqlamanı Çempionlar Liqasının 1\8 final mərhələsinin püşkünü şərh edən "Lion"un baş məşqçisi Rudi Qarsiya verib.
"Biz Avropanın 16 ən güclü komandası sırasındayıq. Bu mərhələdə keçmiş oyunçum Miralem Piyaniçlə (Pyaniç "Roma"da Rudi Qarsiyanın rəhbərliyi altında oynayıb - red.) qarşılaşmaq olduqca xoşdur. O, inanılmaz xarakterə sahib oyunçudur, "Yuventus"un əsas silahlarından biridir. Həmçinin Mauritsio Sarrini salamlamaqdan məmnun olacağıq. O, böyük təcrübəyə malik əla məşqçidir".