“Bavariya” klublararası dünya çempionatının finalında - VİDEO

9 Fevral 2021 01:24 Çempionlar Liqası 669
“Bavariya” klublararası dünya çempionatının finalında - VİDEO

Qətərdə keçirilən klublararası dünya çempionatında ikinci finalçı müəyyənləşib.

Sportinfo.az xəbər verir ki, “Bavariya” turnirdəki ilk matçını Misir təmsilçisi “Əl-Əhli”yə qarşı keçirib.

Ər-Rayyanda baş tutan qarşılaşmada rəqibini məğlubiyyətə uğradan Avropa komandası finala yüksəlib.

“Əl-Əhli” bürünc medal uğrunda “Palmeyras”la (Braziliya) üz-üzə gələcəksə, “Bavariya”nın həlledici görüşdəki rəqibi Meksika klubu “Tiqres” olacaq. Hər iki oyun fevralın 11-də baş tutacaq.

Tiqres” tarixində ilk dəfə klublararası dünya çempionatının finalında iştirak edəcək. “Bavariya” isə ikinci dəfə qatılacağı yarışı yenə qalib tamamlamağa çalışacaq. Almanlar 2013-cü ildə bu kuboku muzeyinə aparıb.

“Əl-Əhli” (Misir) – “Bavariya” (Almaniya) – 0:2
Levandovski, 17, 86

Digər Xəbərlər
Xəbər Lenti