Azərbaycanın daha bir boksçusu Serbiyanın paytaxtı Belqraddakı dünya çempionatında 1/8 final görüşünü keçirib.
Sportinfo.az xəbər verir ki, 51 kq-da çıxış edən Məsud Yusifzadə puerto-rikolu Yankiel Rivera ilə üz-üzə gəlib.
Qarşılaşmadan 5:0 hesablı qələbə ilə ayrılan idmançı 1/4 finala vəsiqə qazanıb. Onun bu raunddakı rəqibi tailandlı Tanarat Saenqpet olacaq.
Bu gün baş tutacaq 1/4 final görüşlərində Azərbaycan millisinin 4 üzvü rinqə çıxacaq. Yusifzadədən başqa, Sərxan Əliyev (71 kq) Obed Bartilə (ABŞ), Alfonso Dominges (86 kq) Şarabutdin Atayevlə (Rusiya), Məhəmməd Abdullayev isə (+92 kq) Narenderlə (Hindistan) münasibətinə aydınlıq gətirəcək.
Mirşərif Kazımzadə Serbiyanın paytaxtı Belqraddakı dünya çempionatında 1/8 final görüşünə çıxıb.
75 kq çəki dərəcəsində mübarizə aparan idmançı özbəkistanlı Səidcəmşid Cəfərovla qarşılaşıb. Rəqibinə 0:5 hesabı ilə uduzan Kazımzadə yarışla vidalaşıb.