Sportinfo.az xəbər verir ki, Almaniya Bundesliqa II-də VIII tur davam edir.
Azərbaycan millisinin futbolçusu Dmitri Nazarovun formasını geyindiyi “Aue” eyni xala malik olan turnir cədvəlindəki qonşusu “Darmştadt”ı qəbul edib.
Görüş ev sahiblərinin böyükhesablı qələbəsi ilə yekunlaşıb. Matça ehtiyatdan başlayan Nazarov 90+1-ci dəqiqədə meydana daxil olub və cəmi 2 dəqiqə sonra qapıçı ilə təkbətək vəziyyətdə onu da aldadaraq qarşılaşmada son nöqtəni qoyub - 3:0.
Xallarının sayını 12-yə çatdıran “Aue” turnir cədvəlində 7-ci pilləyə yüksəlib.