Rusiya Premyer Liqasında 9-cu turun oyunları keçirilib.
Sportinfo.az xəbər verir ki, azərbaycanlı futbolçu Azər Əliyevin formasını geyindiyi “Ufa” növbəti oyununa çıxıb.
Sözügedən komanda səfərdə “Zenit”lə qarşılaşıb. Başqırdıstan təmsilçisi bu oyundan məğlubiyyətlə ayrılıb - 0:6.
Azər də bu görüşün iştirakçısı olub. O, 41-ci dəqiqədə - komandası hesabda 0:2 geridə olarkən daxil olub.
"Zenit" 20 xalla turnir cədvəlinə başçılıq edir. 5 xalı olan "Ufa" 16 iştirakçı arasında 14-cüdür.
"Zenit" - "Ufa" - 6:0
Qollar: Sərdar Azmun, 24, 61, Artem Dzyuba, 32 (pen.), 72, 88, Aleksey Sutormin, 90+2