Millimizin qapıçılar üzrə məşqçisi Dmitri Kramarenko Moskva MOİK-i ilə müqaviləsinin müddətini daha 1 il uzadacaq.
Sportinfo.az-ın məlumatına görə, Rusiya klubunun rəhbərliyi və baş məşqçi Viktor Qonçarenko azərbaycanlı mütəxəssisin fəaliyyətindən razıdır.
Artıq tərəflər arasında sözləşməni yeniləmək mövzusunda ilkin danışıqlar olub. Kramarenko bir müddət əvvəl işə başladığı paytaxt təmsilçisində işini davam etdirməyə hazır olduğunu bildirib.