.jpg)
Avropa Liqasının qrup mərhələsində ilk xalını qazanan “Qarabağ” Azərbaycanın UEFA reytinqindəki əmsalını artırıb.
Sportinfo.az xəbər verir ki, V turda Təl-Əviv “Makkabi”si ilə qeydə alınan 1:1 hesablı heç-heçə ölkəmizə 0,250 xal qazandırıb.
Bununla da cari mövsümün ümumi qazancı 2,500-ə yüksəlib. Bunun 1,625-i “Qarabağ”ın aktivindədir. Azərbaycan üçün “Neftçi” 0,500, “Keşlə” 0,250, “Sumqayıt” 0,125 xal gətirib.
Son 5 mövsümün nəticələrinə əsasən hesablanan UEFA reytinqindəki xalımız 16,875-ə çatıb. Bu, 26-cı pillədə qərarlaşan Azərbaycanın mövqeyini dəyişməsi üçün yetərli olmayıb.
Qonşu pillələrdə qərarlaşan ölkələrlə fərqi böyük olan ölkəmiz elə indiki mövqeyində qalıb. Bu sıralama avrokubokların 2022/23 mövsümündəki klub bölgüsündə istifadə olunacaq.
.jpg)
.jpg)
