"Xəzər Lənkəran"ın sabiq baş məşqçisi Mirça Rednik özünə yeni iş yeri tapıb.
Sportinfo.az xəbər verir ki, rumıniyalı mütəxəssis ölkəsində "Vitorul"a məşqçi təyin olunub. .
58 yaşlı mütəxəssis Konstanta təmsilçisində baş məşqçi Georgi Hacinin köməkçisi vəzifəsində çalışacaq. Onunla 2,5 illik müqavilə imzalanıb.
2010/2011 mövsümündə "Xəzər Lənkəran"a başçılıq etmiş Mirça Rednik Cənub təmsilçisi ilə Azərbaycan kubokunun qalibi olub.