"Qarabağ", "Sabah", "Qəbələ" və "Neftçi" kimlərlə düşdü?

21 May 09:28 Azərbaycan Futbolu 710
"Qarabağ", "Sabah", "Qəbələ" və "Neftçi" kimlərlə düşdü?

AFFA-nın təşkilatçılığı ilə keçiriləcək e-Milli Liqanın püşkü atılıb.

Sportinfo.az xəbər verir ki, püşkatma nəticəsində 28 komanda 7 qrupa bölünüb.

Heyəti klub tərəfindən müəyyənləşdirilmiş 2 nəfərdən ibarət komandalar qalibi müəyyənləşdirmək üçün hərəyə 2 oyun keçirəcəklər. Hər mövsüm iki turnirdən ibarət olacaq və hər turnir 3 ay davam edəcək.

Birinci yerin sahibinə e-Milli Liqa Kuboku təqdim olunacaq, həmçinin qalib komanda e-Milli Komandada iştirak şansı qazanacaq. İkinci və üçün yerin sahiblərinə isə təşkilatçılar müxtəlif hədiyyələr təqdim edəcəklər.

Pul mükafatları oyunçunun liqa zamanı toplamış xallarının x100 manat mislinə (1-ci yer üçün); x50 manat mislinə (2-ci yer üçün) və x20 manat mislinə (3-cü yer üçün) bərabərdir.

Turnir ərzində ən yaxşı nəticə göstərən 6 oyunçunun beynəlxalq kiber çempionatlarda iştirakı təmin olunacaq. Eyni zamanda Avropanın ən məşhur futbol klublarını təmsil edən kiber komandalarla yoldaşlıq görüşləri unudulmaz təcrübə olacaq.

E-Milli Liqaya Premyer Liqa, I Divizion, Region Liqası komandaları ilə yanaşı, qadınlar Yüksək Liqası, çimərlik futbolu və futzal üzrə, əlillərdən ibarət komandalarda qatılıb.

Digər Xəbərlər
Xəbər Lenti
24 May 11:00 Ağdamdan Ankaraya...