AFFA-nın bugünkü Hesabat-Seçki Konfransında UEFA-nın Milli Assosiasiyalar üzrə Departamentinin rəhbəri Tyerri Favr da iştirak edir.
Sportinfo.az xəbər verir ki, qurumun nümayəndəsi 2019-cu ilin mayında Bakıda keçirilmiş Avropa Liqasının finalını qiymətləndirib.
"Avropa Liqasının Bakıdakı finalında özümüzü evimizdəki kimi hiss etdik. Yüksək səviyyəli təşkilatçılıq gördük".
Avropa futbol qurumunun rəsmisi AFFA-nın fəaliyyətini dəstəklədiklərini söyləyib. O, AFFA-nın AVRO-2020-nin 4 oyununu uğurla təşkil edəcəyinə əminlik ifadə edib. Favrın sözlərinə görə, 2019-cu ilin Azərbaycan futbolu üçün daha bir böyük uğuru baş katib Elxan Məmmədovun UEFA Fair Play komitəsinin sədri seçilməsi olub.
UEFA nümayəndəsi futbolun dünyada üzləşdiyi problemlərə də diqqət çəkib.