"2010-cu ildə də Milli Məclisin deputatlığına namizədliyimi irəli sürmüşdüm. Ancaq səs azlığı ilə seçilə bilməmişdim. İnşallah, bu dəfə qalib olaram".
Bu sözləri Sportinfo.az saytına açıqlamasında "Viləş" və "Şəmkir"in keçmiş hücumçusu Alay Bəhramov deyib.
70 saylı Masallı şəhər seçki dairəsindən namizədliyi qeydə alınan veteran futbolçu seçiləcəyi təqdirdə parlamentdə Azərbaycan futbolu ilə bağlı konkret qanun layihəsinin qəbulu üçün çalışacağını deyib:
"Deputat olmaq fikrinə yeni düşməmişəm. 10 il əvvəl də namizədliyimi vermişdim. Futbola gəlincə, bir dəfə müsahibə verib, futbolla qurtarmışam. Buna qədər futbola qayıtmamışamsa, indən belə nə mənası var? Əgər deputat seçilsəm, futbolumuzun problemləri ilə bağlı layihə nəzərdə tutmuşam, qəbul olunması üçün çalışacam".
Qeyd edək ki, Alay Bəhramov 2 dəfə - 1998/1999 və 2001/2002-ci illərdə Azərbaycan Premyer Liqasının bombardiri olub.