Bu gün Azərbaycan kubokunda 2019/2020-ci illər mövsümünün püşkatma mərasimi keçirilib.
Sportinfo.az xəbər verir ki, kubokda Premyer Liqada iştirak edən 8 klub və I Divizionun 4 təmsilçisi - “Zaqatala”, “Kəpəz”, “Ağsu” və “Qaradağ Lökbatan” iştirak edəcək.
Komandalar reytinqlərinə əsasən 3 səbətə bölünüb. Əvvəlcə ötən mövsüm Premyer Liqanı 5 - 8-ci yerlərdə başa vurmuş komandaların - "Zirə", "Sumqayıt", "Sabah" və "Keşlə"nin təsnifat mərhələsindəki rəqibləri müəyyənləşib. Bu mərhələnin qarşılaşmaları bir oyundan ibarət olacaq və dekabrın 4-də keçiriləcək. Qaliblər Premyer Liqada ilk 4 yeri tutmuş komandalarla - "Qarabağ", "Neftçi", "Səbail" və "Qəbələ" ilə 1/4 finalda qarşılaşacaqlar.
Beləliklə, təsnifat mərhələsində qarşılaşacaq cütlüklər:
"Sabah" - "Ağsu"
"Zirə" - "Qaradağ Lökbatan"
"Sumqayıt - "Zaqatala"
"Keşlə" - "Kəpəz"
1/4 final: "Qəbələ" - "Sabah" - "Ağsu" cütünün qalibi
"Səbail" - Zirə" - "Qaradağ Lökbatan" cütünün qalibi
"Neftçi" - "Sumqayıt - "Zaqatala" cütünün qalibi
"Qarabağ" - "Keşlə" - "Kəpəz" cütünün qalibi.
Təsnifat mərhələsinin oyunları dekabrın 4-ü baş tutacaq. 1/4 finalın qarşılaşmaları 15-16 dekabrda, cavab matçları islə 19-20 dekabrda baş tutacaq.