Milli komandamızın yarımmüdafiəçisi Dmitri Nazarov Almaniyada tarixə düşüb.
Sportinfo.az xəbər verir ki, "Erzgebirge"nin üzvü buna ikinci Bundesliqanın 10-cu turunun "Nürnberq"lə qarşılaşmasında nail olub.
Aue təmsilçisinin 4:3 hesablı qələbəsində pay sahibi olan Nazarov 62-ci dəqiqədə penaltidən növbəti qolunu vurmaqla klubun sabiq üzvü Yorq Emmerixə (2003-2008) məxsus rekordu yeniləyib. Emmerixin hesabında 10 penalti qolu var idi.
29 yaşlı futbolçumuz 2016-cı ildən "Erzgebirge"nin heyətində çıxış edir, Almaniya klubunda indiyədək ümumilikdə 84 oyuna 18 qol vurub.