.jpg)
Son vaxtlar fəal transfer siyasəti aparan «Difai» bu istiqamətdə növbəti addım atıb.
I Liqada iddialı hala gəlmək istəyən «fədailər» ikinci legioneri sıralarına qatıb.
Ağsu klubu Valter Benjamin Ebukanı «rənglərinə bağlayıb». 19 yaşlı nigeriyalı ilə kontrakt mövsümün sonunadək nəzərdə tutulub.
Razılaşmaya əsasən, yarımmüdafiəçinin çıxışı klub rəhbərliyini qane edərsə, gələn ilin yayında anlaşmanın müddəti daha 1 il uzadılacaq.
Qarabağ qazilərinin təmsilçisi ondan öncə daha 3 oyunçu ilə güclənib.
AZAL-dan tanıdığımız müdafiəçi Kamil Hüseynov və «Neftçi»nin yetirməsi olan hücumçu İlham Allahverdiyev debütantın düşərgəsində yer alıb.
Həmçinin kamerunlu hücumçu Kristian Kamta ilə müqavilə qüvvəyə minib.
SPORTİNFO.AZ
