Sumqayıtlı futbol sevərlərin həsrəti başa çatır.
Belə ki, 2019-cu ildən əsaslı təmirə bağlanan, amma maliyyə səbəbindən bir neçə dəfə təmir işlərinin dayanması ilə qarşılaşdığımız Mehdi Hüseynzadə adına şəhər stadionundan şad xəbər var.
Artıq bir neçə həftədi burada işlər sürətlənib və son tamamlama işləri gedir.
Bu yaxınlarda hətta şəhər icra hakimiyyətinin başçısı Zakir Fərəcov arenaya baş çəkib, görülən işlərlə yerində tanış olub.
Hər hansı fors major hal yaşanmazsa Sentyabr ayında futbol stadionunun tamaşaçıların üzünə açılacağı ehtimal olunur.
Stadionun azarkeş tutumunun 16 min nəfər nəzərdə tutulduğunu xatırladaq.
XANOĞLAN / SPORTİNFO.AZ