"Açığı, mən milliləşən futbolçuların heç vaxt tərəfdarı olmamışam".
Bu sözləri Sportinfo.az-a açıqlamasında Filip Ozobiçin milliləşdirilməsinə münasibət bildirən "Səbail"in yarımmüdafiəçisi Əfran İsmayılov deyib.
Milli komandanın sabiq üzvü tam olaraq da milliləşdirmə məsələsinə qarşı deyil: "Amma komanda üçün faydalı olacaqsa, niyə də olmasın? Ozobiç keyfiyyətli futbolçudur. Ən önəmlisi hara gəldiyini bilməlidir.
Oyunlarda döyüşməli, fərq yaratmalıdır. Təki milli komandamıza faydası dəysin. O zaman biz də sevinərik. Ən azından millimizə fayda verdiyi üçün təşəkkür edərik".