“Klubda fəaliyyət göstərəndə məşqçinin işinə heç vaxt qarışmamışam”.
Sportinfo.az xəbər verir ki, bunu apasport.az-a açıqlamasında Peşəkar Futbol Liqasının (PFL) prezidenti Ramin Musayev deyib.
Vaxtilə “Neftçi”də vitse-prezident vəzifəsində çalışmış futbol funksioneri həmin dönəmdə kollektivdə mehribanlıq olduğunu söyləyib.
O, dostluq münasibətinin hələ də davam etdiyini bildirib: “Klubda çalışanda həm məşqçi, həm də futbolçu heyəti ilə dostluq münasibətimiz olub.
Şükür Allaha, hamısı sağdır, soruşa bilərsiniz. Bizdə heç vaxt yazılı müqavilə olmayıb. Kişi sözü olub”.