Noyabrın 16-da AÇ-2020-nin qrup mərhələsi çərçivəsində Bakıda Azərbaycanla qarşılaşacaq Uels millisinin heyətindən daha bir futbolçu ayrılıb.
Sportinfo.az xəbər verir ki, "Aston Villa"nın müdafiəçisi Nil Teylor komandadan çıxarılıb.
30 yaşlı futbolçu şəxsi işlərinə görə baş məşqçi Rayan Giqqzdən icazə alıb. Bu, britaniyalıların heyətində 5-ci itki olacaq. Yarımmüdafiəçilər Devid Bruks (“Bornmut”), Co Uilyams (“Sanderlend”) və müdafiəçi Co Rodon (“Suonsi”) zədə, Co Allen (“Stok Siti”) isə cəza səbəbindən yığmamıza qarşı çıxış etməyəcəklər.