“Krasnodar”ın yarımmüdafiəçisi Kadi Borgesin agenti Helsio Alisk futbolçunun gələcəyi ilə bağlı danışıb.
Sportinfo.az xəbər verir ki, Alisk “Qarabağ”ın keçmiş legionerinin az oynamasından şikayətlənib:
“Kadinin oyun vaxtı problemdir. Təəssüf ki, istədiyi qədər oynamır. Belə davam etsə, mən “Krasnodar” rəhbərliyi ilə danışacam”.
27 yaşlı Kadi bu mövsüm “Krasnodar”ın heyətində 20 oyuna çıxıb, 4 qol vurub və 1 məhsuldar ötürmə edib. 17 turdan sonra “Krasnodar” 35 xalla Rusiya çempionatında liderdir.
Kadi “Krasnodar”a “Qarabağ” klubundan transfer olunub.