.jpg)
“Qəbələ”nin 24 yaşlı müdafiəçisi Rauf Hüseynli Sportinfo.az-a müsahibə verib.
- Premyer Liqanın son turunda “Neftçi”yə evdə məğlub olduz (0:1). Xal və ya xallar qazanmağınız üçün nə çatmadı?
- Sonluq çatmadı. Real qol imkanları zamanı daha soyuqqanlı, daha keyfiyyətli davranmaq lazım idi. Ümumi planda pis oynamadıq, rəqibdən geri qalmadıq və çox sayda qol fürsətləri yaxaladıq.
- “Neftçi”nin bu cür görünməsinə təəccübləndin?
- Rəqib haqda danışmaq istəmirəm. Məni maraqlandıran “Qəbələ”nin oyunu və uğurur idi.
- İrəli xətdəki oyunçular qol vura bilmədilər. Lakin buraxdığınız qolda müdafiəçilərin səhvi var idi. Sanki bütün mövqelərdə problem var, tək məhsuldarlıqla bağlı deyil.
- Nə qədər yaxşı oynasaq da, rəqib istər-istəməz 1-2 qol imkanı yaradacaq. Bunu bütün oyunlarda görmək mümkündür. “Neftçi”nin qol vurduğu epizod mənə görə 100 faizlik qol vəziyyəti deyildi. Sadəcə, rəqib futbolçunun əlinə fürsət düşdü, qapımıza zərbə vurdu, o da qol oldu. Mənə görə komanda olaraq pis oynamadıq.
- Bu cür nəticələrdən sonra klub rəhbərliyinin komanda üzvlərinə münasibəti necədir?
- Yaxşıdır, hətta yüksəl səviyyədədir deyə bilərəm. Məşq etməyimiz, oynamağımız, rahatlığımız üçün hər cür şərait yaradırılar. Qalanı bizim üzərimizə düşən işdir. Qələbə qazanmalıyıq, başqa yolumuz yoxdur.
HƏBİB
