"Çətin oyun oldu. Qətər yaxşı komandadır, topla yaxşı oynayırlar.
Bizdə bir sıra çatışmazlıqlar oldu. Lüksemburqla matçda çoxlu güc itirmişdik.
Həmin qarşılaşma ağır olmuşdu. 10 nəfərlə dayanmadan qaçmışdıq. Buna baxmayaraq, o cür ağır matçdan sonra belə mübarizə aparmaq alqışalayiqdir".
Sportinfo.az xəbər verir ki, bu fikirləri Azərbaycan millisinin futbolçusu Mahir Emreli Qətərlə 2:2 hesablı heç-heçə etdikləri yoldaşlıq oyunu haqda "CBC Sport"a açıqlamasında deyib.
24 yaşlı hücumçu nəticəni qoruyub saxlaya bilmədiklərini vurğulayıb:
"Bizim üçün yaxşı görüş oldu, sonadək mübarizə apardıq. Sonda bəzi səhvlərə yol verdiyimiz üçün qapımızda qol gördük.
Artıq 2021-ci ildə yığmada axırıncı matçımız oldu. Hamı öz klubuna qayıdacaq. Baxaq görək, bizi nələr gözləyir".