İtaliya yığmasının sabiq hücumçusu Antonio Kassano futbol tarixinin ən yaxşı futbolçuları ilə bağlı versiyasını açıqlayıb.
Sportinfo.az xəbər verir ki, Kassano “Mançester Yunayted”in futbolçusu Kriştiano Ronaldoya da “ilişib”.
O, portuqal futbolçunu yox, onun braziliyalı adaşını fərqləndirib:
“Bu dramı bitirin. Ronaldo dünyanın ən yaxşı futbolçusudur? Onun adı heç ilk “beşlik”də də yoxdur.
Mənim üçün ən yaxşı 5 futbolçu bunlardır: Messi, Pele, Maradona, Kroyf və Ronaldo. Onlar tam başqa səviyyədirlər.
Əgər məni məcbur etsəydilər ki, bu siyahıda bir dəyişiklik edim, onda Marko van Basteni bura əlavə edərdim”.