.jpg)
"Qarabağ" bu gün Konfrans Liqasının qrup mərhələsində ilk görüşünə çıxacaq.
Rəqib İsveçrənin "Bazel" komandasıdır. Bakı Olimpiya Stadionunda (BOS) keçiriləcək matçın start fiti 20:45-də veriləcək.
"Bazel"lə oyun "Qarabağ"ın avrokubokların qrup mərhələlərindəki 8-ci startı olacaq. Öncəki 7 start matçının heç birində ağdamlılar qələbə qazana bilməyib.
7 cəhddən ikisində heç-heçə, digər 5 görüşdə isə məğlubiyyət qeydə alınıb.
"Qarabağ" hər iki bərabərliyə doğma meydanda, amma fərqli arenalarda imza atıb.
"Sent Etyen"lə görüş Tofiq Bəhramov adına Respublika Stadionunda keçirilibsə, "Slovan"la oyun "Dalğa Arena"da baş tutub.
Digər 5 startdan 4-ü səfər oyununa düşüb. Qrup mərhələsinə evdə başladığımız oyunlarda bir məğlubiyyətimiz var. "Sevilya" ilə oynanılan həmin oyun rəqibin darmadağını ilə başa çatıb.
BOS ilk dəfə qrup mərhələsinin açılış oyununu qəbul edir. Bu gün axşam qazanılacaq qələbə 8 illik tilsimin qırılması demək olacaq.
Öncəki 7 startın xronologiyasın sizə təqdim edirik:
18 sentyabr 2014
Avropa Liqası, F qrupu, I tur
“Qarabağ” (Azərbaycan) – “Sent Etyen” (Fransa) - 0:0 Bakı. Tofiq Bəhramov adına Respublika Stadionu
17 sentyabr 2015
Avropa Liqası, C qrupu, I tur
"Tottenhem" (İngiltərə) – "Qarabağ" (Azərbaycan) - 3:1
Qollar: Son Hın Min, 28; 30, Lamela, 86 - Riçard Almeyda, 6
London. "Uayt Hart Leyn".
15 sentyabr 2016
UEFA Avropa Liqası, H qrupu , I tur
“Qarabağ” (Azərbaycan) - “Slovan” (Çexiya) - 2:2
Qollar: Sukora, 1 (0:1), Miçel, 7 (1:1), Milan Baroş, 68 (1:2), Rəşad Sadıqov, 90+3 (2:2)
Bakı. "Dalğa Arena"
12 sentyabr 2017
Çempionlar Liqası, C qrupu, I tur
"Çelsi" (İngiltərə) - "Qarabağ" (Azərbaycan) - 6:0
Qollar: Pedro, 5, Zappakosta, 30, Azpilikueta, 56, Bokayako, 71, Batşuay, 76, Medvedev, 82 (öz qapısına)
London. "Stemford Bric" stadionu
20 sentyabr 2018
Avropa Liqası, E qrupu, I tur
"Sportinq" (Portuqaliya) - "Qarabağ" (Azərbaycan) - 2:0 Qollar: Rapinha, 54, Cabral, 88 Lissabon
"Joze Alvalade" stadionu.
19 sentyabr 2019.
Avropa Liqası, A qrupu, I tur.
"Qarabağ" - "Sevilya" - 0:3
Qollar: Çiçarito, 62, Haddadi, 78, Torres, 85
Bakı. Tofiq Bəhramov adına Respublika stadionu
22 oktyabr 2020
Avropa Liqası, I qrupu, I tur
"Makkabi” (Təl-Əviv, İsrail) – “Qarabağ” (Azərbaycan) - 1:0
Qol: Yonatan Kohen, 10
Təl-Əviv. “Blumfeld” stadionu
SPORTİNFO.AZ.jpg)
