Avropanın top komandalarının reytinq siyahısı açıqlanıb.
Sportinfo.az xəbər verir ki, cədvəldə qitənin 459 klubu yer alıb.
Azərbaycanın üç komandası da siyahıya daxil edilib. Lakin təmsilçilərimizin hamısı geriləyib.
Ölkəmizin ən yaxşı klubu “Qarabağ” 98-ci pillədə qərarlaşıb. 202 xala malik ağdamlılar 1 addım geri düşüb.
34 xala malik olan “Qəbələ” daha çox – 7 mövqe itirib. Təmsilçimiz qitədə 259-cudur.
“Neftçi” Avropada 334-cüdür. Bakılıların aktivində 14 xalı var. Paytaxt təmsilçisi 5 pillə geriləyib.
Cədvələ “Real” başçılıq edir. İspaniya nəhənginin 2509 xal var.