Azərbaycan II Liqasında XVII tura yekun vurulub.
"Qusar" Sumqayıtda "Kürmük"ü qəbul edib.
Yağışlı və küləkli hava şəraitində keçən qarşılaşmada 8 qol vurulub. Çox maraqlıdır ki, oyunun bolqollu alınacağı 37-ci dəqiqəyə kimi hiss olunmayıb.
Darmadağının əsasını Firudin Ağalarov qoyub. 1 dəqiqə sonra Kazbek Qafarov fərqlənib.
Qusarlılar ikinci hissədə daha 5 qol vurub. Qax təmsilçisinin müdafiə xəttində yol verdiyi səhvləri fürsət sayan nominal ev sahiblərinin heyətində Ağalarov dubla imza atıb.
Həmçinin Vüqar Əsrəfli, Orxan Qurbanlı, Firdovsi Kazımov və Aslan Hüseynov bu sevinci dadıb. Onlardan Kazımovun qoluna ayrıca toxunmalıyıq.
Sezonun ilk yarısında «Difai»nin formasını geyinmiş Firdovsi 88-ci dəqiqədə topu kornerdən birbaşa qapıya vurub.
Havada istiqamətini bir neçə dəfə dəyişən «yuvarlaq meşin» uzaq küncə daxil olub. Meydana 61-ci dəqiqədə daxil olmuş yarımmüdafiəçinin II Qarabağ müharibəsində iştirak etdiyini və qazi səviyyəsinə yüksəldiyini də bildirək.
«Kürmük»ün təsəllit qolu? Topu ayağında saxlaya bilməyən Aslan Hüseynovun rəqibini cərimə meydançası daxilində yerə yıxıb. 65-ci
dəqiqədə penalti nöqtəsinə yaxınlaşan Nail Təhməzli zərbəni soyuqqanlı şəkildə tamamlayıb.
Qarşılaşma simal bölgəsi təmsilçisinin 7:1 hesablı qələbəsi ilə başa çatıb.
Xallarını 32-yə yüksəldən "Qusar" turnir cədvəlinin 5-ci pilləsində qərarlaşıb. 7 xalı olan "Kürmük Qax" isə 13-cü yerdədir.
SPORTİNFO.AZ
“Kapital Bank Arena” (ehtiyat meydança). 10 tamaşaçı |
|
|
||
|