.jpg)
"Bavariya"nın hücumçusu Sadio Mane "Liverpul"dan ayrılmaq qərarına münasibət bildirib.
Sportinfo.az xəbər verir ki, bu yay Münhen təmsilçisi ilə 2025-ci ilin yayına qədər müqavilə imzalayan seneqallı oyunçu BBC-yə müsahibəsində deyib:
"Həyatımda yeni çağırışa ehtiyacım olduğu üçün keçən il ayrılmaq qərarı verdim. Bu, mənim üçün doğru an idi. Bir il əvvəl baş məşqçi ilə danışdım və ona ayrılmaq istəyimi söylədim.
Mənim hekayəmə baxsanız, görərsiniz ki, kiçik bir şəhərdən gəlirəm. Həyatım həmişə çətin olub, ona görə də özümə meydan oxumaq istəyirəm.
Premyer Liqada səkkiz il keçirdim. Altı il oynadığım "Liverpul"la deyə bilərəm ki, mümkün olan bütün kubokları qazandıq.
Bu, asan bir qərar deyildi, amma həyatda bəzən bunları etməli olursan. Düşünürəm ki, bu, karyeramda verdiyim ən yaxşı qərardır.
Bu gün mən dünyanın ən yaxşı klublarından birindəyəm və "Bavariya"da olduğum üçün çox xoşbəxtəm. Mövsümün başlamasını səbirsizliklə gözləyirəm.
"Bavariya"nın böyük məqsədləri var. Çünki dünyanın ən yaxşı klublarından biridir. Mən kuboklar, Çempionlar Liqasını qazanmaq istəyirəm.
Ona görə də hər şey üçün mübarizə aparan komandadan təklif varsa, seçim etmək asandır”.
.jpg)
